बुटवल उप महानगरपलिका वडा न ८ वडा अध्यक्षमा एमाले बाट लोकप्रिय उम्मेदवार ज्ञान प्रसाद अर्याल

माघ १८, तिलोत्तमाहोराइजन गौतम बुद्ध मा.वि.मा एक हप्ते एचटिएमएल, सि.एस.एस., जाभा स्क्रिप्ट तथा गिट बेसिक सम्बन्धी तालिम सुरु भएको छ । विद्यार्थीहरुलाई आई.टी. सम्बन्धी सैद्धान्तिक ज्ञानका अतिरिक्त रियल टाइम प्रयोगात्मक ज्ञान दिने उद्देश्यका साथ कार्यक्रमको आयोजना गरिएको कम्प्यूटर विषयका विभागीय प्रमुख ई. अर्जुन अर्यालले जानकारी दिनुभयो । माघ १७ देखि २४ गतेसम्म सञ्चालन हुने कार्यक्रममा कक्षा ११ मा कम्प्यूटर विषय अध्ययन गर्दै गरेका करिव २०० जना विद्यार्थीहरु सहभागी रहने छन । प्रम्ट स्किलका सि.ई.ओ. ई. दिपेन्द्र विष्ट, ई.बैजनाथ थारु, ई.बिशाल थापा र ई. कुशुम क्षेत्री स्रोत व्यक्तिका रुपमा तालिम सन्चालन हुनेछ | यसै बिच आज कलेजकै आईटि ल्याबमा आयोजना भएको उत्घाटन समारोहलाई सम्बोधन गर्दै डा. नारायणप्रसाद पन्थले ए.आई. को युग भएको हुँदा आई.टी. सम्बन्धी व्यवहारिक तालिमहरु विद्यार्थीहरुका लागि अपरिहार्य रहेको बताउनु भएको थियो । कम्प्युटर विषयका विज्ञ प्राध्यापक माधव अर्यालले विद्यार्थीहरुलाई किताबी ज्ञानमा मात्र सिमित गर्न नहुने भन्दै यो कार्यक्रमको आयोजना गरिएको र विद्यार्थीहरुले पुस्तकमा पढेका कुरा र आईटी सम्बन्धी अतिरिक्त ज्ञान हासिल गर्नेमा विश्वस्त रहेको कुरा बताउनुभयो । स्रोत व्यक्ति ई. दिपेन्द्र विष्टले विभिन्न स्कुल र कलेजहरुमा आफू र आफ्नो टिमले तालिम दिंदै आएको र तालिम उपलब्धिमूलक हुँदै आएको कुरा बताउनुभयो । कार्यक्रममा सहभागी छात्रछात्राहरुले आफूहरु यो तालिम लिन निकै उत्साहित रहेको बताएका थिए । होराइजन गौतम बुद्ध मा.वि.का प्राचार्य गोपाल प्रसाद आचार्यले विद्यार्थीहरुको व्यावहारिक सिकाइका निम्ति विद्यालयले लेखा तालिम, शेयर सम्बन्धी तालिम, व्यक्तित्व तथा नेतृत्व विकास सम्बन्धी तालिम, फुड फेस्टिभल, गायन आइडल, डान्स प्रतियोगिता जस्ता कार्यक्रम सञ्चालन गरिसकेको र यस पटक आई.टी लाई प्राथमिकता दिंदै तालिम सुरु गरिएको बताउनुभयो । कार्यक्रममा विद्यालयका प्राचार्य गोपालप्रसाद आचार्य, उपप्राचार्य इन्द्रप्रसाद भुसाल, ज्ञानेश्वर ज्ञवाली, प्राध्यापक डा.नारायण प्रसाद पन्थ लगायतको उपस्थिति रहेको थियो ।

बुटवल साउन ३०,राष्ट्रिय परीक्षा बोर्डले वैशाखमा सञ्चालन गरेको कक्षा १२ को नतिजा आज सार्वजनिक गरे सङ्गै अक्सफोर्ड माविले उत्कृष्टता हासिल गरेको छ । विज्ञान ,व्यवस्थापन, तथा शिक्षाशास्त्र संकायमा गरी कुल ८११ जना विद्यार्थीहरू परीक्षामा सहभागी भएकोमा एक सय बिस विद्यार्थीले A+ ल्याएका छन् । विज्ञान संकाय अध्ययन गर्ने दिया भुसालले ३.९६ GPA ल्याएर उत्कृष्ट बनेकी छिन् । त्यस्तै व्यवस्थापन संकायका सुमित पोखेलले ३.९० Gpa अङ्‌क ल्याएका छन् भने सागर सिङ्‌ले ३.८५ Gpa युवराज भण्डारीले ३.८१Gpa प्राप्त गरेकाे विद्यालयका प्राचार्य दिनेश भुसालले बताउनुभयाे। विगत बर्षहरूमा पनि उत्कृष्ट नतिजा ल्याएको अक्सफोर्डले अहिले पनि उत्कृष्टता हासिल गर्न सफल भएको प्राध्यापक सुमन भुसालले बताउनुभयाे। अक्सफोर्ड मा.वि बाट यस बर्षको नतिजामा ८६. प्रतिशत उत्कृष्ट रिजल्ट ल्याउन सफल भएको हुँदा सम्भवत अक्सफोर्डकाे नतिजा देशकै उत्कृष्ट भएकोमा विद्यार्थी ,अभिभावक ,प्राध्यापक तथा कर्मचारीलाई धन्यवाद ब्यक्त गर्नुभयो ।

विनोद खनाल, वुटवलध्रुवतारा सयपत्री बचत तथा ऋण सहकारी संस्थाले आयोजना गरेको रक्तदान कार्यक्रममा ३५ युनिट रगत संकलन भएको छ । शुक्रबार रक्तसंचार केन्द्र बुटवलमा आयोजना गरिएको कार्यक्रममा सहकारीमा आबद्ध सदस्यहरुले रक्तदान गरेका हुन। संस्थाले सामाजिक उत्तरादायीत्व अन्तरगत नियमित रक्तदान गर्दै आएको संस्थाका अध्यक्ष मान बहादुर कुँवरले बताए। बुटवलमा डेंङ्गी रोगका बिरामी बढे संगै मृगौला डायालासीसका बिरामीका लागि समेत आवश्यक रगत अभाव हुननदिन रक्तसंचार केन्द्र नियमित रक्तदानमा सकृय रहेको छ । रक्तसंचार केन्द्रले रक्तदानका लागि अव्हान गरेकोले आकस्मिक रुपमा कार्यक्रम आयोजना गरिएको अध्यक्ष कुँवरले बताए । कार्यक्रम संस्थाका शिक्षा तथा प्रकाशन उपसमिति संयोजक विनोद खनालको संयोजकत्वमा सम्पन्न भएको थियो ।

असार १८,बुटवल अब १/२ दिनमा एसईईको रिजल्ट आउंने राष्ट्रिय परीक्षा बाेर्डले बताएको छ । एसईईको रिजल्टपछि विद्यार्थीहरु प्लस टु पढाई हुने शिक्षण संस्थामा भर्ना हुनुपर्छ । तर विद्यार्थीहरु एसईईको रिजल्ट नआउंदै आफू कहां पढ्दा राम्रो होला भनेर राम्रा शिक्षण संस्थाबारे बुझ्दै भर्ना हुने प्रकृया बारे जानकारी लिन थालिसकेका छन् ।त्यसै मध्येकाे एक सबैभन्दा बढि विद्यार्थीकाे राेजाईमा परी चाप हुने संस्था हाे अक्सफोर्ड मा वि बुटवल । म्यानेजमेन्ट ,शिक्षाशास्त्र तथा विज्ञान संकायमा पढाई हुने बुटवलकाे अक्सफोर्ड मा.वि केही बर्ष यता सबै तहमा उत्कृष्ट रिजल्ट ल्याए सङ्गै सबै वर्गका विद्यार्थीको मुख्य रोजाई बन्दै आएको छ । अझ कक्षा ११ र १२ लागि अक्सफोर्ड देशकै अग्रपंक्तिमा आउने गरेको शिक्षाविद्हरू बताउने गरेका छन्। एसईई दिएर रिजल्टको पर्खाइमा बसेका विद्यार्थीहरु अक्सफोर्डमा पढाई हुने विषयहरु,मासिक शुल्क, छात्रवृत्ति तथा कलेजका विशेषताहरुबारे बुझ्न दिनहुं जसो उल्लेख्य संङ्ख्यामा संस्था भिजिट गर्न आउन थालेका छन् । अक्सफोर्डले २०७८ काे एसईई परीक्षामा सम्मिलित २ जना विद्यार्थीहरू दिपेश भुसाल र विलक्षण भुसालले ४ जिपिए सहित उत्कृष्ट रिजल्ट ल्याएको थियोे । त्यस्तै २०७८ काे कक्षा १२ काे रिजल्टमा पनि मिना खनालले ३.९० ,एलिना रायमाझीले ३.८१ जिपिए सहित देशम‌ै उत्कृष्ट रिजल्ट ल्याएकाे थियोे ।प्रत्येक बर्ष अक्सफोर्डबाट १२ कक्षा पास गरेका ३०/४० जना विद्यार्थीहरूले MBBS तथा इन्जिनियरिङ्गमा नाम निकाल्ने गरेको विद्यालयका प्राचार्य दिनेश भुसालले जानकारी दिए। अक्सफोर्ड मा वि संस्कार सहितको आफ्नै पाठ्यक्रम निर्माण गरि सिकाउने नेपालकै पहिलो विद्यालय भएको हुदा पनि यहाँ विद्यार्थीहरूलाई सैद्धान्तिक शिक्षा भन्दा पनि ब्यबहारिक शिक्षा सिकाउने ,भूकम्प प्रतिरोधात्मक सुविधासम्पन्न भवन,अनुशासित र पुर्णत शैक्षिक वातावरण,सुविधासम्पन्न कम्प्युटर ल्याब र होटेल म्यानेजमेन्ट ल्याब,कलेज बस, पढाई कमजोर भएका विद्यार्थीलाई विशेष कक्षाकाे सुविधा ई लाइबेरी र लाइब्रेरी,विद्यार्थीको चौतर्फी विकासका लागि नियमित अतिरिक्त क्रियाकलाप,विभिन्न खेलकुद तथा प्रविधिकाे प्रयाेगबाट शिक्षण सिकाईकाे साथै संस्कारयुक्त ब्यबहार सिकाई जीवनाेपयाेगी शिक्षाको कारण विद्यार्थी तथा अभिभावकको रोजाई बन्दै गएको प्राध्यापक सुमन भुसालले बताए । गत वर्ष कक्षा ११ सबै संकायमा गरी ९ सय ५० विद्यार्थी भर्ना गरेकोमा अहिले भने थप गुणस्तरकाे लागि ७५० जना मात्र विद्यार्थी भर्ना गर्ने विद्यार्थी तथा अभिभावकहरूमा जानकारी भएको हुदा रिजल्ट प्रकासनकाे पुर्व सन्ध्यामै विद्यार्थीहरूकाे चाप बढिरहेको हुदा ,यसको ब्यबस्थापन गरि सकेसम्म अभिभावकहरूका चाहानाहरू समेट्ने प्रयासमा आफुहरू जुटेको प्राध्यापक भुसालले बताए।