आफ्नो धरातल नभुल्न युवा नेता बास्तोलाको चेतावनी

नेकपा एमालेको युवा सम्बद्ध भातृ संगठन राष्ट्रिय युवा सघं नेपाल रुपन्देहीको दोस्रो पूर्ण बैठकले जिल्ला कमिटिका पदाधिकारी तथा कार्यसमिति सदस्यको जिम्मेवारी तोकेको छ । क्षेत्रीय सम्योजक, विभागीय प्रमुख, युथ फोर्स देखि साईबर सर्कल सम्मको जिम्मेवारी तोकिएको संगठनको बैठक पछि जारी बिज्ञप्तिमा जनाईएको छ | संगठनलाई विस्तार शुद्धिकरणसहित चलायमान बनाउने उद्वेश्यले कमिटिका सम्पूर्ण पदाधिकारी र सदस्यहरुको जिम्मेवारी बाडबाफाड गरिएको सघंका रुपन्देहि जिल्ला अध्यक्ष विकास बस्नेतले जानकारी गराएका छन् । राष्ट्रिय युवा संघ नेपालका केन्द्रीय महासचिब सुमन पुरिको प्रमुख आतिथ्यता रहेको बैठकले साउन पहिलो हप्ता भित्र बुटबल उपमहानगर कमिटी, सिदार्थनगर नगर कमिटी, सैनामैना नगर कमिटी, सियारी गाउं कमिटीको अधिवेशन गर्ने निर्णय समेत गरेको छ | त्यस्तै मायांदेवी, कञ्चन, गैडहवा गाउं कमिटीको अधिवेशन गर्ने बैठकबाट निर्णय भएको छ । दक्षिण भागमा रहेका ४ बटा पालिका लुम्बिनी, मर्चवारी, समरिमाई र कोटहिमाई गाउं कमिटीलाई भदौ महिनामा संगठन विस्तारसहित दक्षिण जाउ अभियान सन्चालन गर्ने निर्णय भएको अध्यक्ष बस्नेतले बताएका छन । साथै संगठनले मदन जयन्तीको अवसरमा साताब्यापी रचनात्मक कार्यक्रम गर्ने निणर्य गरेको छ । असार १३ गते सहकारी विभाग, असार १४ गते साइवर सर्कल, असार १५ गते कृषि विभाग, असार १६ गते क्षेत्र नम्वर २, असार १७ गते क्षेत्र नम्वर १, असार १८ गते क्षेत्र नम्वर ५, असार १९ गते क्षेत्र नम्वर ३ को क्षेत्रीय कमिटीको विशेष कार्यक्रम गर्ने गरि जिम्मेवारी बाडफांड गरिएको छ । राष्ट्रिय युवा सघं नेपाल केन्द्रीय कमिटिले सन्चालन गरेको मिसन ग्रास रुट अन्र्तरगत मिसन नेस्ट इलेक्सन, तारकेट न्यु जेनेरेसनलाई रुपन्देही जिल्ला कमिटिले विशेष अभियानका रुपमा सन्चालन गर्ने बताईएको छ । बैठकमा राष्ट्रिय युवा सघं नेपालका महासचिब सुमन पुरी, नेकपा एमालेका रुपन्देही सदस्य तथा युवा इन्चार्ज नकुल शाही ठकुरी, केन्द्रीय सदस्य किरण नेपालको आतिथ्यता रहेको थियो | कमिटिको तर्फबाट सहसचिव नवराज थापा, उपाध्यक्ष दिपक खड्कीले समेत आफ्नो भनाई राखेको बैठकको अध्यक्षता कमिटी अध्यक्ष विकास जंग बस्नेत तथा सन्चालन सचिव दिपेश कडेलले गरेका थिए | रायुसने रुपन्देहीको पुर्ण बिज्ञप्ति Download

पुस २८, दाङ, देउखुरीप्रदेश सरकारका प्राथमिकता देहाय बमोजिम निर्धारण गर्ने प्रदेश सरकारले निर्णय गरेको छ । मुख्यमन्त्री लिला गिरीको अध्यक्षतामा बसेको मन्त्रिपरिषद् बैठकले "समृद्ध लुम्बिनी, आत्मनिर्भर प्रदेश" को दीर्घकालिन सोच र लक्ष्य प्राप्ती लाई मुख्य केन्द्रविन्दुमा "राखेर प्रदेश र जनताको बृहत्तर हितमा सरकारको सम्पूर्ण ध्यान केन्द्रित गर्ने सरकारले निर्णय गरेको छ । आर्थिक असमानता कम गर्दै सामाजिक न्यायको प्रवर्द्धन गर्न आर्थिक अनुशासन, सदाचार एवं भष्ट्राचारमुक्त चुस्त र नतिजानमूलक प्रशासनिक व्यवस्थापन मार्फत प्रदेशमा सुशासन प्रर्वद्धन, शान्ति सु-व्यवस्था, विकास र सम्वृद्धि प्राप्तीमा कटिबद्ध रही सोही अनुसार आवश्यक कार्यहरु अघि बढाउने सरकारले निर्णय गरेको प्रवक्ता चेतनारायण आचार्यले जानकारी दिनुभयो । संघीय शासन प्रणालीको मर्म अनुसार प्रदेशबाट प्रवाह गर्नुपर्ने सेवा र सम्पादन गर्नुपर्ने कार्यहरुमा सहकारिता, सहअस्तित्व र समन्वयको सिद्धान्त अवलम्बन गरी कानूनी शासनको प्रत्याभूति गर्ने सरकारले निर्णय गरेको छ | सरकारले नेपालको लोकतान्त्रिकरणका लागि जनआन्दोलन जनयुद्ध र तराई मधेशलगायतका सबै आन्दोलनमा बीरगति प्राप्त गर्ने सम्पूर्ण ज्ञात अज्ञात सहिदहरुप्रति सम्मान एवं हार्दिक श्रदान्जली अर्पण गरेको छ । लुम्बिनी प्रदेशमा निम्न अनुसार १२ वटा मन्त्रालय कायम गर्ने भएको छ ।मुख्यमन्त्री तथा मन्त्रिपरिषद्को कार्यालय, अर्थ मन्त्रालय, आन्तरिक मामिला, कानुन तथा सञ्चार मन्त्रालय,भौतिक पूर्वाधार विकास मन्त्रालय, उर्जा, जलस्रोत तथा सिंचाइ मन्त्रालय, ग्रामिण, शहरी विकास तथा खानेपानी मन्त्रालय, स्वास्थ्य तथा मन्त्रालय, सामाजिक विकास मन्त्रालय, उद्योग, पर्यटन तथा संस्कृती मन्त्रालय, वन तथा वातावरण मन्त्रालय, कृषि तथा सहकारी मन्त्रालय र श्रम, यातायात तथा भूमि व्यवस्था मन्त्रालय रहनेछन् ।

को हुन त लुम्बिनी प्रदेशका मुख्यमन्त्री लिला गिरि ? बुटवल : राजनैतिक आन्दोलनहरुमा अग्रता रहने क्षेत्र हो रुपन्देहि जिल्ला त्यसको अगुवा हो बुटवल जुन सधै राजनितीको केन्द्रमा रहने गर्छ | पछिल्लो निर्वाचन पछि समेत रुपन्देही जिल्ला क्षेत्र न २ भाग्यमानी सावित भएको छ | संघ तर्फ विजय भएका नेकपा एमालेका उपाध्यक्ष विष्णु प्रसाद पौडेल उपप्रधानमन्त्री सहित नेकपा एमालेको तर्फबाट सरकारमा नेतृत्व गर्दै अर्थ मन्त्रालय सम्हालेका छन भने सोहि निर्वाचन क्षेत्रको 'क' प्रदेश क्षेत्रबाट विजय भएका लिला गिरि लुम्बिनी प्रदेशको मुख्यमन्त्री बनेका छन | निर्वाचन अघि जो एमालेबाट सम्भावित मुख्यमन्त्रीको रुपमा प्रस्तुत गरिएका गिरि सत्तारूढ शक्ति विच केन्द्रमा लुम्बिनी प्रदेशको मुख्यमन्त्री एमालेको भागमा परेपछि गिरीले नेतृत्व गर्ने पक्का पक्की भएको थियो | एमाले पोलिटब्यूरो सदस्य तथा प्रदेशका सह ईन्चार्ज लिला गिरिलाई एमाले२९, माओवादी १०, राप्रपा ४,नाउपा४, जसपा३, स्वतन्त्र २, जनमत ३, लोसपाको ३ गरि जना ५८ प्रदेश सभा सदस्यको समर्थन रहेको छ | यसअघिको शंकर पोख्रेल नेतृत्वको प्रदेश सरकारमा उद्योग, पर्यटन, वन तथा वातावरण मन्त्रीको जिम्मेवारी सम्हालेका गिरी एमालेको यस क्षेत्रका सिनियर नेता समेत हुन । लुम्बिनी प्रदेशमा एमालेबाट मुख्यमन्त्री लिला गिरी आखिर को हुन त ? बि स २०११ साल चैत १४ गते आमा केशवकुमारी गिरि र बुवा बुद्धि नाथ गिरि को सुपुत्रका रुपमा लिला गिरि रुरु गाउँपालिका -५ गुल्मीमा जन्मीएका थिए । गिरि हाल आफ्नो श्रीमती इन्दिरा गिरि र छोरासँग तिलोत्तमा नगरपालिका वार्ड न १ रुपन्देही मा बस्दै आइरहेका छन । उनिका २ छोरी र १ छोरा रहेका छन उनीहरु सबै बिवाहित हुन । गिरि बि स २०२२ सालमा १२ बर्ष को उमेरमै राजनितिक चेतना जागेर जन्मस्थान गुल्मी रुरु गाउँपालिका ( साबिकको बम्घा गाबिस) मा तत्कालीन पन्चहरुका विरुद्ध अगुवा शिक्षक सिद्धिनाथ ज्ञवालीहरु संगै आन्दोलनमा सहभागी भएका थिए । गुल्मीबाट ०३४ सालमा रुपन्देहीको शंकर नगर १ मा ( हाल तिलोत्तमा नगरपालिका-१ ) बसाइँ सरेर आएर यतै राजनीतिक र सामाजिक काममा हालसम्म नै उत्तिकै सक्रियतापूर्वक निरन्तर क्रियाशील रहेका छन् । उनी बहुदलीय ब्यवस्थाको पहिलो शंकरनगर गाउँ बिकास समितिको जननिर्वाचित अध्यक्ष भएका थिए | अध्यक्ष हुँदा नेपालकै उत्कृष्ट गाउँपालिका बनाएका थिए । सहिद श्री गगालाल पुस्तकालयको महासचीव, क्रान्तिकारी बुद्धिजिवि संघ, शिक्षक संगठन ,युवा सक्रिय दल, दक्षिण एसियामै ऎतिहासिक मानिने सोह्र - छत्तीस कुला मौजाको नेतृत्व हुँदै किसान आन्दोलनमा सारिक भएर किसान बामपन्थी राजनीति प्रवाह गरेका थिए । उनले किसानहरुलाई पार्टी मा आवद्ध गर्न, संगठित गर्न अभियानको नेतृत्व गर्दै सरिक बनाएका थिए । बि सं २०६१ माघ १९ गते तत्कालीन राजा बिरेन्द्रको हत्या भएपछी राजा बनेका ज्ञानेन्द्रले शासन सत्ता हातमा लिगेका थिए | यसलाई शाही `कु´ संज्ञा दिंदै रुपन्देही मा पनि बिरोधि भएको थियो । उक्त बिरोध मा गिरिले रुपन्देही बाट नेतृत्व गरेका थिए । उनी विरोधमा २०६१ माघ २७ गते पक्राउ परेर जेल चलान भएका थिए उनि २०६१ माघ २७ देखि २०६२ बैशाख २८ गते सम्म जिल्ला कारगारमा पनि जेल यातन भोगेका थिए । गिरि बि सं २०४६ सालमा नेकपा मालेको जिल्ला कमिटी सदस्य, सहि समयमै जिल्ला बाममोर्चाको सदस्य ,२०४७ सालमा पार्टी एकिकरण भएपछी बनेको नेकपा एमाले को जिल्ला कमिटी सदस्य, बि सं २०५६ मा रुपन्देही जिल्ला उपसचिव, बि सं २०५८-०६१ सम्म एमाले रुपन्देही जिल्ला कमिटीको कार्यवाहक सचीव, ०६१-०६६ र ०६६ – ०६९ सम्म एमाले रुपन्देही जिल्ला सचीव ( पार्टी जिल्ला प्रमुख ) र पार्टी जिल्ला अध्यक्ष भएका थिए । गिरि बि.सं २०६९ सालमा एमालेको साबिक लुम्बिनी अञ्चल समन्वय कमिटी को सदस्य, संगठन बिभाग प्रमुख बि सं २०६९-७० सम्म अञ्चल कमिटी सदस्य, नवाै राष्ट्रिय महाधिबेशनमा क्रेन्दिय कमिटीमा सदस्य निर्वाचित भएका थिए । नेकपा एमाले र नेकपा माओवादी केन्द्र एकता सँगै बनेको नेकपा कालमा नेकपाको लुम्बिनी प्रदेश कमिटी अध्यक्ष थिए । हाल नेकपा एमालेको दशौँ महाधिवेशनबाट पार्टीको केन्द्रीय कमिटी पोलिटब्युरो सदस्यमा निर्वाचित र लुम्बिनी प्रदेश सह इन्चार्जका रुपमा छन । २०७४ साल मंसिर २१ गते सम्पन्न भएको प्रदेश सभा निर्वाचनमा रुपन्देही क्षेत्र नम्बर २ (क) बाट नेपाली कांग्रेस प्रतिस्पर्धी गरेका काजीमन श्रेष्ठलाई दोब्बर भन्दा पनि धेरै मतले पराजित गर्दै पर्देश सभा सदस्यमा निर्वाचित भएका थिए । लुम्बिनी प्रदेश सरकारको उद्योग, वन, पर्यटन तथा वातावरण मन्त्रीका रुपमा काम गरेका उनी पछी केही समय प्रदेश सरकारकै आन्तरिक मामिला तथा कानुन स्वास्थ्य मन्त्रालय सम्हालेका थिए ।गिरिले स्थानीय उत्पादनको ब्यापार प्रवद्वन गर्नको लागी एक पालिका एक कोसेली घर स्थापनाको साथै पानीको मुहान सुक्न नदिन १ वडा १ पोखरी निर्माण सुरुवात गराएका थिए । गिरि कोभिड कालमा प्रदेश सरकारको रुपमा सफल र नेतृत्वदायी भुमिका निर्वाह गरेका थिए । कोरोना महामारीको सुरुवातमा गिरि को संयोजकत्वमा लुम्बिनी प्रदेशको पहिलो आइसोलेसन अस्पताल बुटवलको धागोकाराखानामा सुरुवात भएको थियोे ।

बुटवल, असार २०बुटवल उपमहानगरपालिकाले "बुटवल मण्डप" को नाम गिरिजा प्रसाद कोईराला बुटवल मण्डप राख्ने प्रस्ताव बहुमत सदस्य सहित नगर सभाबाट पारित गरे पछि यसको चौतर्फी आलोचना भएको छ | नेपाली काङ्ग्रेसबाट बुटवलको मेयरमा निर्वाचित खेलराज पाण्डेले नितितथा कार्यक्रममा समेटेर नगर सभाबाट नाम परिवर्तन गर्ने निर्णय पास गरेका हुन | यता आज बुटवलमा क्रियाशिल विभिन्न ७ राजनैतिक दलहरुले संयुक्त बिज्ञप्ति जारी गर्दै बुटवल मण्डपको नाम परिवर्तन गर्ने प्रस्ताव तत्काल फिर्ता गरेर पूर्ववत नाम नै कायम राख्न सम्बन्धित निकायसंग जोडदार माग गरेको छ । नेकपा एमालेका नगर अध्यक्ष किशन ज्ञवाली, राष्ट्रिय जनमुक्ति पार्टिका मेक बहादुर सारु, मंगोल नेशनल अर्गनाइजेसनका खिम बहादुर थापा, लोकतान्त्रिक समाजवादी पार्टिका राम शंकर गुप्ता, नेपाल कम्युनिस्ट पार्टिका एन वि शाही, राप्रपाका लक्ष्मण प्रसाद श्रेष्ठ र राष्ट्रिय जनमोर्चाका बाबुराम आचार्यद्वारा संयुक्त रुपमा हस्ताक्षर गरिएको बिज्ञप्तिमा बुटवलका जनताको भावनात्मक अपनत्व र ऐतिहासिक पहिचान संग जोडिएको नाम भएकोले नाम परिवर्तन किमार्थ स्विकार्न नसकिने बताईएको छ |नाम परिवर्तनकै विषयमा बुटवलका उद्योगि तथा व्यवसायीहरुले समेत संयुक्त बिज्ञप्ति जारी गरि आपत्ती जनाएका छन |