माधवकुमार नेपाललाई कार्वाही अघिबढाउन प्रहरीलाई निर्वाचन आयोगको पत्र; दुई वर्ष कैद र १ लाख जरिवानाको कसुर

माघ १८, तिलोत्तमाहोराइजन गौतम बुद्ध मा.वि.मा एक हप्ते एचटिएमएल, सि.एस.एस., जाभा स्क्रिप्ट तथा गिट बेसिक सम्बन्धी तालिम सुरु भएको छ । विद्यार्थीहरुलाई आई.टी. सम्बन्धी सैद्धान्तिक ज्ञानका अतिरिक्त रियल टाइम प्रयोगात्मक ज्ञान दिने उद्देश्यका साथ कार्यक्रमको आयोजना गरिएको कम्प्यूटर विषयका विभागीय प्रमुख ई. अर्जुन अर्यालले जानकारी दिनुभयो । माघ १७ देखि २४ गतेसम्म सञ्चालन हुने कार्यक्रममा कक्षा ११ मा कम्प्यूटर विषय अध्ययन गर्दै गरेका करिव २०० जना विद्यार्थीहरु सहभागी रहने छन । प्रम्ट स्किलका सि.ई.ओ. ई. दिपेन्द्र विष्ट, ई.बैजनाथ थारु, ई.बिशाल थापा र ई. कुशुम क्षेत्री स्रोत व्यक्तिका रुपमा तालिम सन्चालन हुनेछ | यसै बिच आज कलेजकै आईटि ल्याबमा आयोजना भएको उत्घाटन समारोहलाई सम्बोधन गर्दै डा. नारायणप्रसाद पन्थले ए.आई. को युग भएको हुँदा आई.टी. सम्बन्धी व्यवहारिक तालिमहरु विद्यार्थीहरुका लागि अपरिहार्य रहेको बताउनु भएको थियो । कम्प्युटर विषयका विज्ञ प्राध्यापक माधव अर्यालले विद्यार्थीहरुलाई किताबी ज्ञानमा मात्र सिमित गर्न नहुने भन्दै यो कार्यक्रमको आयोजना गरिएको र विद्यार्थीहरुले पुस्तकमा पढेका कुरा र आईटी सम्बन्धी अतिरिक्त ज्ञान हासिल गर्नेमा विश्वस्त रहेको कुरा बताउनुभयो । स्रोत व्यक्ति ई. दिपेन्द्र विष्टले विभिन्न स्कुल र कलेजहरुमा आफू र आफ्नो टिमले तालिम दिंदै आएको र तालिम उपलब्धिमूलक हुँदै आएको कुरा बताउनुभयो । कार्यक्रममा सहभागी छात्रछात्राहरुले आफूहरु यो तालिम लिन निकै उत्साहित रहेको बताएका थिए । होराइजन गौतम बुद्ध मा.वि.का प्राचार्य गोपाल प्रसाद आचार्यले विद्यार्थीहरुको व्यावहारिक सिकाइका निम्ति विद्यालयले लेखा तालिम, शेयर सम्बन्धी तालिम, व्यक्तित्व तथा नेतृत्व विकास सम्बन्धी तालिम, फुड फेस्टिभल, गायन आइडल, डान्स प्रतियोगिता जस्ता कार्यक्रम सञ्चालन गरिसकेको र यस पटक आई.टी लाई प्राथमिकता दिंदै तालिम सुरु गरिएको बताउनुभयो । कार्यक्रममा विद्यालयका प्राचार्य गोपालप्रसाद आचार्य, उपप्राचार्य इन्द्रप्रसाद भुसाल, ज्ञानेश्वर ज्ञवाली, प्राध्यापक डा.नारायण प्रसाद पन्थ लगायतको उपस्थिति रहेको थियो ।

असोज, २७नवलपरासीनवलपरासी वर्दघाट पश्चिम क्षेत्रका नापी पेसा संग आवद्ध प्राविधिकहरुको प्रथम भेला आज रामग्राममा सम्पन्न भएको छ | भेलामा नवलपरासी (ब.सु. प.)जिल्लाका ७ वटै स्थानीय तह, राष्ट्रिय भूमि आयोग , राष्ट्रिय आवासमा कार्यरत तथा नापीको कार्य गर्दै आएका प्राबिधिकहरुको सहभागिता रहेको थियो | भेलाले 'पेसागत ऐक्यवद्धता ; आधुनिक नापीमा प्रतिबद्धता' भन्ने मुल नाराका साथ नापी प्राबिधिक समाज नवलपरासी गठन गरेको छ । शनिबार रामग्राम स्तुपमा आयोजित भेलाले सुनवल नगरपालिकाका नापी प्राबिधिक दल बहादुर ओलीकाे अध्यक्षतामा ११ सदस्यीय नापी प्राविधिक समाज नवलपरासीको तदर्थ समिति गठन गरेको हो | अध्यक्ष, दल बहादुर ओली भेलाले समाजको उपाध्यक्षमा शुसिल रावत ,सचिवमा अमृत भुषाल , सह-सचिवमा नरेन्द्र यादव, कोषाध्यक्षमा अनिल पोखरेल , सदस्यहरुमा निरज प्रजापति ,निरज कुमार पटेल, संजय कुमार गुरौ, अमन गुप्ता, यदु कुमार पुन, स्वस्तिका थापालाई चयन गरेको छ | अध्यक्षको जिम्मेवारी ग्रहण गर्दै दल वहादुर ओलीले देशव्यापी रुपमा नापी प्राबिधिकहरुको हक अधिकारको सुनिस्चित गर्दै नापीको क्षेत्रमा कार्यरत प्राबिधिकहरुको क्षमता अभिबृद्धि गर्नृे, त्रुटीहरुको एकीकृत समाधान गर्ने, सबै प्राबिधिकहरुमा एकरुपता ल्याउने, नापी कार्यक्षेत्रका सम्भावना, चुनौतीलाई समन्वयात्मक भूमिका मार्फत सुझाव सल्लाह र सहयोग गर्ने तथा स्थानिय तहका प्राबिधिक तथा प्राबिधिक अध्ययन गर्दै गरेका, सेवामा रहेका र सेवाको अवसर खोजि गरेका सबैलाई समाजमा स्थान दिएर पारदर्शी एवम चुस्त दुरुस्त रुपमा समाजलाई अघि बढाउने बताउनु भएको छ । समाजले आगामी दिनमा नापी प्राबिधिकको क्षमता अभिवृद्धि गर्न बिशेष कार्यक्रम तथा तालिमहरु समेत संचालन गर्ने बताएको छ ।

असोज १३, काठमाडौयहि मंसिर ८ गतेबाट सन्चालनहुने नेपाल सुपरलिग फुटबलको दोस्रो सस्करणको खेलाडी अक्सन आजबाट सुरु भएको छ | नेपालको पहिलो फ्रेन्चाईस मोडलको लिग नेपाल स्पोर्ट्स एण्ड ईभेन्ट मेनेजमेन्टले सन्चालन गर्दै छ | लिगमा ९ वटा टिमले प्रतिस्पर्धा गर्दै छन | लुम्बिनी प्रदेशबाट बुटवल लुम्बिनी फुटबल क्लब सहभागी हुदैछ | नेपालका चर्चित तथा सफल क्रिकेट खेलाडी शक्ति गौचनलाई ब्राण्ड एम्बेस्डर र विजय महर्जनलाई मुख्य प्रशिक्षकमा अनुबन्ध गरेको क्लबले जनाएको छ | यसैबिच शनिबार काठमाडौमा सम्पन्न खेलाडी अक्सनमा बुटवल लुम्बिनी क्लबले १३ जना खेलाडीलाई अनुबन्ध गराउन सफल भएको छ | अक्सन मार्फत असिम भुसाल, जन्मेजे धामी, सरोज तामाङ, मणि कुमार लामा, अशोक थापा, मनाङ नकर्मि, निराजन धामी, पासाङ लामा, निसान राना, चन्दन कुमार दास, गौरव श्रेष्ठ, गिलेस्पि जंग कार्की र प्रकाश बुढाथोकी बुटवल लुम्बिनी क्लबबाट खेल्ने भएका छन |

बुटवल साउन ३०,राष्ट्रिय परीक्षा बोर्डले वैशाखमा सञ्चालन गरेको कक्षा १२ को नतिजा आज सार्वजनिक गरे सङ्गै अक्सफोर्ड माविले उत्कृष्टता हासिल गरेको छ । विज्ञान ,व्यवस्थापन, तथा शिक्षाशास्त्र संकायमा गरी कुल ८११ जना विद्यार्थीहरू परीक्षामा सहभागी भएकोमा एक सय बिस विद्यार्थीले A+ ल्याएका छन् । विज्ञान संकाय अध्ययन गर्ने दिया भुसालले ३.९६ GPA ल्याएर उत्कृष्ट बनेकी छिन् । त्यस्तै व्यवस्थापन संकायका सुमित पोखेलले ३.९० Gpa अङ्‌क ल्याएका छन् भने सागर सिङ्‌ले ३.८५ Gpa युवराज भण्डारीले ३.८१Gpa प्राप्त गरेकाे विद्यालयका प्राचार्य दिनेश भुसालले बताउनुभयाे। विगत बर्षहरूमा पनि उत्कृष्ट नतिजा ल्याएको अक्सफोर्डले अहिले पनि उत्कृष्टता हासिल गर्न सफल भएको प्राध्यापक सुमन भुसालले बताउनुभयाे। अक्सफोर्ड मा.वि बाट यस बर्षको नतिजामा ८६. प्रतिशत उत्कृष्ट रिजल्ट ल्याउन सफल भएको हुँदा सम्भवत अक्सफोर्डकाे नतिजा देशकै उत्कृष्ट भएकोमा विद्यार्थी ,अभिभावक ,प्राध्यापक तथा कर्मचारीलाई धन्यवाद ब्यक्त गर्नुभयो ।